home
home home

Жаңалықтар

ХАБАРЛАНДЫРУ !

ХАБАРЛАНДЫРУ !

 

Жамбыл облысы жергілікті атқарушы органдарының жұмыс алгоритмдеріне сәйкес  Т.Рысқұлов ауданының  әкімі 2019 жылдың 20 қыркүйегінде Жаңатұрмыс   ауылдық округіндегі елді мекендерді аралап, ауылдық округ әкімдігінің мәжіліс залында сағ 16-30-де ауыл тұрғындарымен кездеседі. 

ҚР Ұлттық Банкі Жамбыл филиалымен көрсетілетін мемлекеттік қызметтер

ҚР Ұлттық Банкі Жамбыл филиалымен көрсетілетін мемлекеттік қызметтер

 

Мемлекеттік көрсетілетін қызмет – көрсетілетін қызметті алушылардың өтініші бойынша жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі.

Ұлттық Банкінің мемлекеттік қызметтері электрондық/қағаз нысанында Ұлттық Банкінде немесе оның аумақтық филиалдарында көрсетіледі, сондай-ақ «электрондық үкіметі» веб-порталы арқылы алуға болады.

Заңнамаға сәйкес мемлекеттік көрсетілетін  қызметті электрондық нысанда көрсету «электрондық үкіметтің» веб-порталы арқылы жүзеге асырылады. Осылайша, көрсетілетін қызметті алушы орналасқан жеріне (жұмыста, үйде және т.б.) қарамастан Интернетке кіруге мүмкіндігі бар болған жағдайда «электрондық үкіметтің» порталы (www.egov.kz) арқылы Ұлттық Банкінің не ол не бұл мемлекеттік қызметінің көрсетілуіне өтініш бере алады. Бұл тек көрсетілетін қызметті алушының компьютерде жұмыс істеу дағдыларын білуін ғана қажет етеді.

Сонымен бірге мемлекеттік қызметті электрондық түрде көрсетудің нәтижесі болып электрондық құжатты немесе қағаз жеткізгіштегі құжатты беру немесе «электрондық үкіметтің» ақпараттық жүйесінің ішіндегі мәліметтер табылады.

Жеке және (немесе) заңды тұлғаларға электрондық түрде көрсетілетін мемлекеттік қызметті алу үшін беретін өтініші пайдаланушының сауалы негізінде жүзеге асырылады.

Көрсетілетін қызметті берушінің мемлекеттік қызметті көрсету талаптары мен тәртібі Мемлекеттік көрсетілетін қызмет стандартымен және регламентімен орнатылады.

Мемлекеттік көрсетілетін қызметтер мемлекеттік көрсетілетін қызметтер тізіліміне енгізілуі тиіс. Мемлекеттік қызметтер тізілімінде мемлекеттік көрсетілетін қызметтер, мемлекеттік көрсетілетін қызметтің нақты кімге бағдарланғаны (заңды/жеке тұлғалар), мемлекеттік қызмет көрсетудің ақылығы/тегіндігі, мемлекеттік қызмет көрсету нысаны (электрондық/қағаз түрінде) туралы ақпарат бар.

Бүгінде ҚР Үкіметінің 18.09.2013ж. №983 Қаулысымен бекітілген Мемлекеттік қызметтер тізіліміне сәйкес ҚР Ұлттық Банкінің аумақтық филиалдарымен мемлекеттік қызметтің 3 түрі көрсетіледі:

  1. Уәкілетті ұйымдарға қолма-қол шетел валютасымен айырбастау операцияларын ұйымдастыру бойынша қызметті жүзеге асыруға лицензия беру;
  2. Микроқаржылық ұйымдарды есептік тіркеу;
  3. Коллекторлық агенттіктерді есептік тіркеу.

ҚР Ұлттық Банкі Жамбыл филиалымен (бұдан әрі – Филиал) көрсетілетін 3 түрлі мемлекеттік қызметтің 2 мемлекеттік қызметі қағаз түрінде, сондай-ақ электронды түрде көрсетіледі, олар «Уәкiлетті ұйымдарға қолма-қол шетел валютасымен айырбастау операцияларын ұйымдастыру бойынша қызметтi жүзеге асыруға лицензия беру» және «Микроқаржылық ұйымдарды есептік тіркеу» (аталған мемлекеттік қызметтер ақылы негізде көрсетіледі). Ал «Коллекторлық агенттіктерді есептік тіркеу» мемлекеттік қызметі бүгінгі күні тек қағаз түрінде көрсетіледі (ақысыз негізде көрсетіледі).

Сонымен қатар, 2019 жылдың 1 шілдесінен бастап Қазақстан Республикасы Үкіметінің 29.12.2018ж. №913 қаулысымен мемлекеттік көрсетілетін қызметтер тізілімінен ҚРҰБ аумақтық филиалдарымен көрсетілетін «Валюталық операцияны тіркеу» және «Валюталық операция туралы немесе шетелдік банкте банк шотын ашу туралы хабарламаны растау» 2 мемлекеттік қызметтер алынып тасталғанын айта кеткен жөн.

Мемлекеттік қызметті ұсыну тәртібі туралы толық ақпаратты алу үшін, қызмет алушы мына мекен-жай бойынша Филиалға хабарласуына болады: Тараз қаласы, Қазыбек би көшесі, 137 үй. Не болмаса мемлекеттік қызмет көрсету сұрақтары бойынша сауалнамалық  ақпараттық  қызмет көрсететін бірыңғай байланыс орталығына 1414, 8-800-080-7777 телефондары арқылы хабарласуына болады.

 

 

Нұрлан Берікбосынов

ҚР Ұлттық Банкінің Жамбыл филиалы директорының орынбасары

 

 

Ұлттық және шетел валютасын репатриациялауды бақылау туралы

Ұлттық және шетел валютасын репатриациялауды бақылау туралы

 

Қазақстан Республикасында экспорт немесе импорт бойынша ұлттық валютаны және шетел валютасын репатриациялау талабы «Валюталық реттеу және валюталық бақылау туралы» ҚР Заңымен, ҚР Ұлттық Банкі Басқармасының 2019 жылғы 30 наурыздағы № 42 Қаулысымен бекітілген Қазақстан Республикасында экспорттық-импорттық валюталық бақылауды жүзеге асыру қағидаларымен және валюталық заңнама саласындағы басқа да нормативтік құқықтық актілермен реттеледі.

Ұлттық және шетел валютасын репатриациялау (лат. repatriare – отанға оралу) – тауарлар, жұмыстар, қызметтер көрсету экспортынан ұлттық және шетел валютасындағы түсімдерді, сондай-ақ шетелдік әріптес өз міндеттемелерін орындамаған немесе толық орындамаған жағдайда резиденттің тауарлар, жұмыстар, қызметтер көрсету импорты бойынша есеп айырысуларды жүзеге асыру үшін шетелге аударған ұлттық және шетел валютасын банк шоттарына есепке алуды білдіреді.

Репатриациялау талабының негізгі мақсаты – ішкі валюта нарығында Қазақстан экспортының көлеміне барабар валюта ұсынысын қамтамасыз ету және жал­ған импорт үшін ақы төлеу ретінде валюталық ресурстарды елден шыға­руға жол бермеу. Сол себептен, резидент (шетелдік ұйымның филиалын (өкілдігін) қоспағанда) ұлттық валютаны және шетел валютасын экспорт немесе импорт жөніндегі валюталық шартта көзделген мерзімдерде репатриациялауды қамтамасыз етуге міндетті.

Елімізде репатриациялау талабының орындалуын бақылау елу мың АҚШ доллары баламасынан жоғары сомаға экспорт немесе импорт жөнінде валюталық шарттар бойынша жүзеге асырылады. Бақылауды екінші деңгейдегі банктер, сондай-ақ Қазақстан Республикасының Ұлттық Банкі (бұдан әрі – Ұлттық Банк) жүзеге асырады. Бұл ретте, Ұлттық Банк басқа да валюталық бақылау органдарымен және агенттерімен бірлесе отырып, экспорт немесе импорт жөніндегі жекелеген валюталық шарттар шеңберінде ақша қозғалысына және міндеттемелердің өзге де орындалуына мониторинг жүргізеді.

Репатриациялау мерзімін экспорт немесе импорт жөніндегі валюталық  шарттың тараптары өз бетінше айқындайды және солардың қарауымен  алғашқы келісімнің шарттарына өзгерістер мен толықтырулар енгізу жолымен ұзартылуы мүмкін. Міндеттемелерді орындау мерзімдері өзгерген жағдайда, репатриациялаудың белгіленген мерзіміне әсерін тигізетін басқа да жағдайлар туындаған кезде экспортер немесе импортер есептік тіркеу банкіне тиісті негіздемелермен растау құжаттарын ұсына отырып хабарлауға міндетті.

Валютаны репатриациялауды қамтамасыз ету мемлекеттің төлем балансына тікелей ықпал етеді, капиталдың сыртқа шығарылуына бөгет жасайды. Сондықтан, экспортер немесе импортер валюталық қаражаттардың уақтылы қайтарылуы үшін барлық шараларды қолдануы керек. Алайда, бүгінгі таңда еліміздің резиденттері шетелдік әріптестерінің қаржылық жағдайы туралы жеткілікті ақпаратқа ие болмай, олармен келісім жасайды. Нәтижесінде, шетелдік әріптестердің резидент алдында өз міндеттемелерін тиісті деңгейде немесе толық орындамау тәуекелі туындайды, ол, өз кезегінде, Қазақстан Республикасында экспорт немесе импорт бойынша ұлттық және шетел валютасын репатриациялау талабын бұзғаны үшін Резидентке қатысты жауапкершілік шараларын қолдануға әкеп соғады.

Валютаны репатриациялау бойынша міндеттерін қамтамасыз етпеген резидент ҚР Әкімшілік құқық бұзушылық туралы кодексінің 251 бабымен көзделген әкімшілік жауапкершілікке тартылады. Нақтырақ айтқанда, есепке жатқызылмаған ұлттық валюта және шетел валютасы сомасының жиырма пайызы мөлшерінде, бірақ екі мың айлық есептік көрсеткіштен аспайтын мөлшерде айыппұл салуға алып келеді. Ал егер қайтарылмаған ұлттық және шетел валютасындағы қаражат сомасы 45 000 айлық есептiк көрсеткiштен асып кетсе (қазіргі кезде 1 АЕК – 2 525 теңге), онда тұлға ҚР Қылмыстық кодексінің 235 бабымен көзделген қылмыстық жауапкершілікке тартылатын болады.

Сондықтан, резидент шетелдік әріптестермен валюталық шарт жасасқан кезде репатриациялау мерзімін сақтау қажеттілігінің маңыздылығын ескерген жөн. Себебі, валютаны репатриациялау — валюталық қаражат қозғалысын бақылау  құралы ғана емес, ол мемлекеттің қаржы қауіпсіздігін қамтамасыз ету жөніндегі маңызды шаралардың бірі.

 

 

ҚР Ұлттық Банкінің Жамбыл филиалы

жетекші маман-экономисі

Ж.Омарова


© 2017 Аппарат акима Рыскуловского района
+7 (7262) 00 00 00 Обратная связь
Разработка и поддержка сайта