home
home home

Жаңалықтар

Құрметті, аудандық полиция бөлімінің қызметкерлері!

Құрметті, аудандық полиция бөлімінің қызметкерлері!
Қымбатты, полиция органының ардагерлері!
Сіздерді Тәуелсіз Қазақстанның полициясы күнімен шын жүректен құттықтаймын!
​Сіздерге тән қажырлылық, табандылық, жауапкершілік, рухынан таймаушылық, антына беріктік алдарыңызда тұрған міндеттерді орындауда зор жауапкершілік жүктейді. Жауапкершілігі мен міндеті жоғары қызметтеріңізді абыроймен атқарып, азаматтардың құқықтары мен қауіпсіздігін қамтамасыз етіп, ішкі тәртіп пен қоғамдағы тұрақтылықты сақтаудағы әрбір полиция қызметкерінің қажырлы еңбегін халық әрқашан бағалайды.
Тәртіп сақшыларына артылған сенім жүгін үлкен жауапкершілікпен орындап, халыққа қалтқысыз қызмет атқарып келесіздер.Әсіресе елімізде төтенше жағдай жарияланып, карантиндік шектеулер орын алған сәттерде полиция қызметкерлерінің еңбегі зор болды. Тәулік бойы халықтың тыныштығы мен қауіпсіздігі жолында тынбай еңбек атқарып, ел алғысына бөлендіңіздер!Баршаңызға кәсіби шыңдалу, баянды бақыт, береке-бірлік тілейміз! Туымыз тұғырлы, еліміз ғұмырлы болсын!
Құрметті, сала қызметкерлері!
Ішкі істер органдары – еліміздің ең ірі, көп құрылымды, қазақстандықтардың құқығын қорғап, қылмыспен күресетін, тәртіпті қамтамасыз ететін ұйым.Сала ардагерлеріне, қауіпке бас тіккен қаһармандарға әрдайым халықтың алғысы зор. Ауданымыздағы полиция қызметкерлері де аудан тұрғындарының тыныштығы мен қауіпсіздігіне қызмет жасап, аянбай еңбек етіп келеді, әрі осы бағытта бұл жұмыс жүйелі түрде жалғасады деген сенімдемін.
Төл мерекелеріңіз құтты болсын! Ел қауіпсіздігі мен құқықтық тәртіпті қалыптастыру, оны сақтау жолындағы жанкешті еңбектеріңізге табыс тілеймін! Отбасыларыңыз аман болып, шаңырақтарыңыз берекеге толсын! Тәртіп пен заңдылықты сақтау жолындағы еңбектеріңіз жемісті болсын!
Игі тілекпен, Тұрар Рысқұлов ауданы әкімі Е.Садырқұлов

2020 жылы азаматтарды мерзімді әскери қызметке шақыру

2020 жылы азаматтарды мерзімді әскери қызметке шақыру
2020 жылғы 12 ақпанындағы Қазақстан Республикасының Президентінің «Әскери қызметшілерді запасқа шығару және 2020 жылдың наурыз-маусымында және қыркүйек-желтоқсанында мерзімді әскери қызметке шақыру туралы» №266 Жарлығына өзгеріс енгізді. Әскери қызметке шақыруды жүргізу мерзімдері маусым айынан тамыз айына дейін ұзартылды, өйткені еліміздегі енгізілген төтенше жағдайдың әрекеті кезеңінде әскерге шақыру және медициналық комиссиялардың жұмыстары тоқтатылды. Осыған орай, әскерге шақырылушылар және Қарулы Күштерін жасақтауға тартылған лауазымды тұлғалар арасында коронавирусты инфекцияны таралуын ескерту, алдын ала шараларын күшейту мақсатында жас буынды салтанатты шығарып салулар тоқтатылды.
2020 жылдың 30 сәуірінде мемлекет басшысы әскери қызметке шақыру мерзімі маусым айынан тамыз айлары аралығында болатыны туралы №312 Жарлыққа өзгеріс енгізді.Күзде әскери қызметке шақыру мерзімі өзгеріссіз қалды.
«Әскерге шақырудан кейінге қалдыруға немесе одан босатылуға құқығы жоқ он сегіз жастан жиырма жеті жасқа дейінгі ер азаматтар 2020 жылдың наурыз – тамызында және қыркүйек – желтоқсанында Қазақстан Республикасының Қарулы күштеріне, Ұлттық қауіпсіздік комитетіне, Ұлттық ұлан және мемлекеттік күзет қызметіне мерзімді әскери қызметке шақырылсын»,- деп жазылған жарлықта.
Әскери бөлімге аттанар кезінде шақырылушылардың сәтті бейімделуі мақсатында олардың киім-кешекпен, тамақ және өзге де тиесілі жабдықталым түрлерімен қамтамасыз етіледі. Әскери киімді кию арқылы, жасөспірімдер нағыз Отан қорғаушылардың алдында тұрған жауапкершілікті түсіне бастайды. Әскери бөлімдер бойынша шақырылушыларды іріктеу және бөлу кезінде алдын ала зерделеу нәтижелері және олардың шақырылуға дейінгі мамандықтары ескеріледі.
Әскерге шақырылғаннан кейін және әскери бөлімдерге келгеннен кейін оларды екі апталық карантинге оқшаулай отырып, жас буынға ПТР-зерттеу әдісімен COVID-19-ға зертханалық зерттеу жүргізіледі.Карантин кезінде жас буынға медициналық тексеру және әлеуметтік-психологиялық зерделеу, сондай-ақ бастапқы әскери дайындық жүргізіледі.

-2-
Әскер жас буынды тәртіпке,жауапкершілікке өздігінен үйретеді және дене күшіне ие болады.Әскерде берік достастық, бауырластық танылады, әскери қызметшілер топпен жұмыс жасағанды, оқу-жаттығулардағы тапсырмаларды орындауға, тез ойлануға, шешім қабылдауға үйренеді, олар әскери техниканы пайдалануда техникалық дағдыларға ие болады.Егер әскерге шақырылушы өз өмірін әскери қызметпен байланыстыруды жоспарласа, онда келісімшарт бойынша әскери қызметке жарты жылдан кейін кіре алады.

Елімізде басты басымдық ретінде цифрлық технологияны қолдану арқылы құрылатын жаңа индустрияларды өркендетуі міндеті белгіленген.

Елімізде басты басымдық ретінде цифрлық технологияны қолдану арқылы құрылатын жаңа индустрияларды өркендетуі міндеті белгіленген.
Бұл міндетті еңсеру үшін Үкіметке «Цифрлық Қазақстан» бағдарламасын әзірлеу тапсырылған.
Бұл шара өз кезегінде Мемлекеттік қызметтер көрсету үдерісін мейлінше оңтайландыруды, құжаттарды қараудың мерзімі мен тізбесін қысқартуды, қайталанатын рәсімдерді жоюды және адамның өзінің баруын қажетсінбейтін ақпараттық- мәліметтерді толық электрондық форматқа көшіруді көздейді.
Сонымен қатар Халыққа қөрсетілетін мемлекеттік қызметтердің сапасын арттыру – жемқорлыққа қарсы әрекеттік және мемлекеттік органдардың қызметіне азаматтардың сенімділігін арттырудың басты аспектісі болып табылады.
Бүгінде жергілікті атқарушы органдар тарапынан жер қатынастарын реттеу саласында заңды және жеке тұлғаларға 11 мемлекеттік қызмет түрлері көрсетілуде. Атап айтқанда:
«Жер учаскелерін қалыптастыру жөніндегі жерге орналастыру жобаларын бекiту», «Жер учаскесінің нысаналы мақсатын өзгертуге шешім беру», «Іздестіру жұмыстарын жүргізу үшін жер учаскесін пайдалануға рұқсат беру», «Елді мекен шегінде объект салу үшін жер учаскесін беру», Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу», «Суармалы егістікті суарылмайтын алқап түрлеріне ауыстыруға рұқсат беру», «Ауыл шаруашылығы алқаптарын бір түрден екінші түрге ауыстыру шешімін беру», «Бұрын жер пайдалануға берілген жер учаскесін жекеменшікке сату», «Жер учаскесін жекеменшікке бөліп төлеуге сату», «Жер учаскелерін сатып алу-сату шарттарын жасасу», «Жер учаскесін жалға алу шарттарын жасасу».
Көрсетілетін мемлекеттік қызмет түрлерін қызметті берушінің кеңсесінде, «Азаматтарға арналған үкімет» мемлекеттік корпоорация» (ХҚКО) және www.elicense.kz, www.egov.kz «электрондық үкімет» веб-порталы арқылы алуға болады.
Қызмет алушыларға қолайлы жағдай жасау мақсатында Жер қатынастары бөлімінде арнайы ақпараттық стенд жабдықталған.
Онда көрсетілетін қызметтің түрлері, уақыты, және т.б. мәліметтер орналастырылған.
Т.Рысқұлов ауданы әкімдігінің жер қатынастары бөліміне 4106 кіріс құжат түсті, оның ішінде «Е-Лицензиялау» бағдарламасы бойынша 611 жерге орналастыру жобасы бұйрықпен бекітілді, аудан әкімдігінің қаулысымен іздестіру жұмыстарын жүргізуге рұқсат беру үшін 8 электронды қаулы қабылданды.
Көрсетілетін мемлекеттік қызмет түрлерінің сапасын арттыру және атқарушылық тәртіптің деңгейін көтеру күнделікті бақылауда.

Т.Рысқұлов ауданы әкімдігінің Жер қатынастары бөлімі

Бүгін көшпелі қоғамдық қабылдау Көкдөнен ауылдық округінде өтті.

Бүгін көшпелі қоғамдық қабылдау Көкдөнен ауылдық округінде өтті.
Аталған шараға аудан әкімі Е.Садырқұлов,прокуратура,полиция бөлімі өкілдері мен бөлім,мекеме басшылары қатысты.
Аталмыш округте үш елді мекен бар. Ауыл тұрғындары тарапынан шаруа қожалығын ашу, кәсіп ашуға несие ресімдеу, көше шамдары мен жол белгілерін орнату,мешіт маңына асхана соғуға жер телімін заңдастыру,тау суын тиімді пайдалану,жұмыспен қамту туралы сауалдар қойылып,нақты жауаптар алынды.
Аудан әкімі ауылдық аймақта атқарылып жатқан жұмыстарды баяндап,ауыл ақсақалдары мен тұрғындар тарапынан қоғамдық бақылауды күшейту туралы ұсынысын білдірді.
Халықты ауылдың әл-ауқатын арттыру жұмыстарына белсенді болуға шақырды.

Аудан әкімі Е.Садырқұловтың қатысуымен көшпелі қоғамдық қабылдау Қарақыстақ ауылдық округінің орталығы Каменка ауылында өтті.

Аудан әкімі Е.Садырқұловтың қатысуымен көшпелі қоғамдық қабылдау Қарақыстақ ауылдық округінің орталығы Каменка ауылында өтті. Қабылдауға Каменка,Тасшолақ,Жалпақсаз,Қазақ ауылы тұрғындары қатысып,өз талап-тілектері мен өтініштерін жеткізді. Ауыл тұрғындарының айтқан мәселелері бойынша бөлім,мекеме басшылары жауап беріп,бірқатар мәселелер бақылауға алынды, жұмыс жүргізу жоспарланды.
Тұрғындардан түскен сауалдар ауыл көшелеріне жаяу жүргіншілер жолын салуды арттыру, Тасшолақ ауылындағы ауыз су құрылысы жұмысының сапасы, жүк көлігі өтетін айналма жол салу, автожолдарға бөгет салу, Танабай көшесін асфальттау,Қазақ ауылындағы орта мектеп пен балабақша ғимаратын жылыту бойынша зерделеу жүргізу,ауыз су құдықтарының ашық қақпақтарын қалпына келтіру т.б. жеке мәселелер бойынша болды. Барлық сауалдар бойынша хаттамалық тапсырмалар беріліп,нақты бөлім басшылары мен жауапты тұлғаларға жауапкершілік жүктелді.
Кездесуде ауыл қариялары аудан әкімі Е.Садырқұловқа ауылда атқарылып жатқан жұмыстар үшін алғыс білдіріп,ризашылықтарын жеткізді.
Ауылда Б.Момышұлы атындағы орта мектепке күрделі жөндеу жұмыстары жүргізілсе,М.Әуезов атындағы орта мектепке қосымша ғимараттар соғылуда.Тасшолақ ауылында ауыз су құрылысы жүріп жатса, Каменка ауылында көше жолдарына орташа жөндеу жұмысы басталды, жаяу жүргіншілер жолы салынды.Көше шамдары орнатылып,ескілері жаңа диодты шамдарға ауыстырылуда.
Барлық ауылдың әлеуетін арттыру бағытында оңды жұмыстар жалғасын тауып,халық көңілінен шығуда.
Ең бастысы ауылда талай жылдан бері шешімін таппай келе жатқан көгілдір отын кіргізу мәселесі аудан әкімдігі мен прокуратура қызметкерлерінің ықпалымен оң шешімін табуда.
Қоғамдық қабылдауға келген әр тұрғын бұл туралы өз пікірлерін білдіріп, рақметтерін жаудырды.

ҚҰРЫЛЫС САПАСЫ – ӨЗЕКТІ МӘСЕЛЕ

ҚҰРЫЛЫС САПАСЫ – ӨЗЕКТІ МӘСЕЛЕ
Жамбыл облысы әкімінің орынбасары Жылқыбаев Ержан Жұматұлы Тұрар Рысқұлов ауданына жұмыс сапары аясында Құлан агротехникалық жоғары колледжінде жүргізіліп жатқан күрделі жөндеу жұмыстарының барысымен танысты.
«Жұмыспен қамтудың жол картасы» бағдарламасы аясында колледждің №1 оқу ғимаратына және асханасына күрделі жөндеу жұмыстарын «КАСУБ-Тараз» және «Жоғарғы санат құрылыс» ЖШС-тері жүргізуде.
Іссапар барысында Е.Жылқыбаев колледж директоры С.Есеевке, мердігер У.Аптиялиевке құрылыстың сапалы жүргізілуін қатаң бақылауға алуға және мерзімінде аяқталуына қатысты бірқатар тапсырмалар жүктеді.

Бүгін Луговой ауылдық округінде көшпелі қоғамдық қабылдау өткізілді.

Бүгін Луговой ауылдық округінде көшпелі қоғамдық қабылдау өткізілді.
Аудан әкімі Е.Садырқұлов тұрғындардың сауалдарына жауап беріп, өтініштерін тыңдады.
Тұрғындар тарапынан Максим Горький атындағы орта мектебі мен «Балбөбек»бөбекжай-бақшасының жылу жүйесін жөндеу және табиғи газға қосу, Теміржолшы көшесіне жаяу жүргіншілер жолын салу, Смат Есімов көшесінің екінші бетіне жаяу жүргінші жолын салу, Ақбұлақ көшесінің тұрғындарына жерлерін ресімдеу, тұрғындарға жаңа жер телімдерін беру,Луговой-2,Ш.Егембердиев,С.Әденұлы көшелері кей тұрғындарының ауыз сумен толық қамтылуы,Құлан ауылындағы қатты қалдықтар тастайтын полигонның зияндылығы, көшелердегі қаңғыған иттерді залалсыздандыру мәселесі бойынша қойылған сұрақтарға жауаптар беріліп,түсіндірілді,шешім шығару үшін сала басшыларына тапсырмалар жүктелді.
Қоғамдық қабылдауға келген Түрксіб көшесінің бір топ тұрғындарының табиғи газ кіргізу бойынша талаптары тыңдалып,зерделеуге және тиісті шешім шығаруға аудандық прокуратура мен полиция бөліміне ұсыныс берілді.
Ауылдық округ әкімі М.Сванов пен аудандық газ тарату бөлімі басшысы Е.Калынбаевқа нақты тапсырма берілді,жағдайды зерделеп,шешу жолдарын қарастыру жүктелді.

Аудан тұрғындары!

Аудан тұрғындары!

Аудан аумағында коронавирус індетін жұқтырған 24 азамат тіркелді.Барлығы да қазіргі уақытта арнайы ем қабылдап жатыр.Жақын байланыста болған жақындары мен таныстары үй карантиніне жабылды.
Құлан, Луговой,Р.Сәбденов,Каменка,Алғасбас, Көкдөнен, Жақсылық, Д.Конаев, Жаңатұрмыс ауылдарында індет ошақтары анықталды.
Оның ішінде 6 науқас симптомсыз ауырған.
Барлық ауыл тұрғындарына сақтық шараларын қатаң сақтап,барынша оқшаулану қажеттігін ескертеміз!
Антисептикті жиі пайдаланып,барлық карантиндік шектеулерді сақтап, бетпердемен жүру міндеттеледі.
Барлық ауылда отбасылық шараларды мүмкіндігінше тоқтату қажеттігін ескертеміз!
Көп адам шоғырланған жерге жиналмауға және алыс қалалар мее басқа жерлерден жол жүріп келген азаматтармен тығыз қатынаста көп болмау қажеттігін еске саламыз!
Сақ болайық!
Тұрар Рысқұлов ауданының жедел штабы

Аймақтағы әлеуметтік-экономикалық саланы дамыту, халықтың тұрмысын, рухани және әлеуметтік жағдайын жақсарту мақсатында

Аймақтағы әлеуметтік-экономикалық саланы дамыту, халықтың тұрмысын, рухани және әлеуметтік жағдайын жақсарту мақсатында «Сөзден іске» жобасы аясында 2020 жылдың 13 маусымында аудандық орталық аурухананың ұйымдастыруыменен «Ашық есік» күні өткізілді. Шара барысында ауданның көп балалы аналары мен мүгедек балалар медициналық тексеруден өтті.


© 2017 Аппарат акима Рыскуловского района
+7 (7262) 00 00 00 Обратная связь
Разработка и поддержка сайта